ఆరోగ్యాలయం లో పండుగ వేడుకలు:

మీకు 15 – 30 రోజుల క్యాంప్ లో బుకింగ్ చేసుకునే సమయంలో మధ్యలో ఏ పండుగలైనా వస్తే పండుగలకి ఇంట్లో వుండకుండా మిస్ అవుతాం అనుకోవలసిన అవసరం లేదు. ఇక్కడ అందరూ డా. రాజుగారి దంపతులతో కలసి పండుగ వేడుకల్ని ఇంటి దగ్గర కంటే చాలా బాగా జరుపుకోవచ్చు. ప్రతి పండుగనీ ఆరోగ్యాలయంలో సాంప్రదాయబద్ధంగా ఏర్పాట్లు చేసి పండుగ విష్టతను అర్థంతో వివరిస్తూ మీ అందరూ ఆ వేడుకను జరుపుకునేటట్లు అవగాహన కల్పించి, మీ అందరి సహకారంతోనే ఆశ్రమం లో ప్రకృతి పద్ధతిలోనే తినుబండారాలు అందరూ కలసి సిద్ధం చేసుకుని అలానే అందరూ కలిసి పంక్తి భోజనం చేసే ఏర్పాటు చేస్తారు. పండుగ రోజుల్లో అరిటాకులు వేసి భోజనాలు పెట్టి 7, 8 రకాలైన తినుబండరాలను భోజనాలలో వడ్డించి భోజనానంతరం తాంబూలం అందించి ఆడవారందరికీ పూలు అవీ అందించి రకరకాలైన వినోదభరితమైన ఆటలు ఆడించి, రాత్రికి సంస్కృతిక కార్యక్రమాలు ఏర్పాటు చేస్తారు. ముఖ్యంగా ఉగాది, వినాయకచవితి, శ్రీకృష్ణాష్టమి, కార్తీకమాస స్నానాలు, ధనుర్మాస స్నానాలు, దీపావళి, దసరా, సంక్రాంతి
పండుగలలో చేశారు. దీపావళికైతే అందరూ ఇష్టపడే టపాకాయలు / సామాగ్రి తెప్పించి ప్రతి ఒక్కరికీ అందించి వేడుక జరిపిస్తారు. కనుక బుకింగ్ చేసుకునే సమయాన్ని పండుగల కారణంగా వాయిదా వేసుకోనవసరం లేదు.